There Was A Lass.
By Robert Burns
Tune - "Duncan Davison." I. There was a lass, they ca'd her Meg, And she held o'er the moors to spin; There was a lad that follow'd her, They ca'd him Duncan Davison. The moor was driegh, and Meg was skiegh, Her favour Duncan could na win; For wi' the roke she wad him knock. And ay she shook the temper-pin. II. As o'er the moor they lightly foor, A burn was clear, a glen was green, Upon the banks they eas'd-their shanks, And ay she set the wheel between: But Duncan swore a haly aith, That Meg should be a bride the morn, Then Meg took up her spinnin' graith, And flang them a' out o'er the burn. III. We'll big a house, a wee, wee house, And we will live like king and queen, Sae blythe and merry we will be When ye set by the wheel at e'en. A man may drink and no be drunk; A man may fight and no be slain; A man may kiss a bonnie lass, And ay be welcome back again.
AI analysis available. Enable JavaScript to interact.
About this line
"Tune - "Duncan Davison."..."
"There Was A Lass." is a quintessential example of Robert Burns's signature style... ### Why We Love This Line At Linespedia, we believe that poetry is the ultimate sanctuary for the soul...