I Gaed A Waefu' Gate Yestreen.
By Robert Burns
Air - "The blue-eyed lass." I. I gaed a waefu' gate yestreen, A gate, I fear, I'll dearlie rue; I gat my death frae twa sweet een, Twa lovely een o' bonnie blue. 'Twas not her golden ringlets bright; Her lips, like roses, wat wi' dew, Her heaving bosom, lily-white, It was her een sae bonnie blue. II. She talk'd, she smil'd, my heart she wyl'd; She charm'd my soul, I wist na how: And ay the stound, the deadly wound, Cam frae her een sae bonnie blue. But spare to speak, and spare to speed; She'll aiblins listen to my vow: Should she refuse, I'll lay my dead To her twa een sae bonnie blue.
AI analysis available. Enable JavaScript to interact.
About this line
"Air - "The blue-eyed lass."..."
Robert Burns's contribution to classic is further solidified by the brilliance found in "I Gaed A Waefu' Gate Yestreen."... ### Why We Love This Line At Linespedia, we believe that poetry is the ultimate sanctuary for the soul...