Fareweel, ye bughts
Fareweel, ye bughts, an' all your ewes, An' fields whare bIoomin' heather grows; Nae mair the sportin' lambs I'll see Since my true love's forsaken me. CHORUS. Nae mair I'll hear wi' pleasure sing The cheerfu' lav'rock in the Spring, But sad in grief now I maun mourn, Far, far frae her, o'er Logan-burn. Alas! nae mair we'll meetings keep At bughts, whan herds ca' in their sheep; Nae mair amang the threshes green We'll row, where we hae aften been. CHORUS Nae mair for me , ye vi'lets blaw, Or lilies whiter than the snaw; Nae mair your pleasures I can bear, While I am absent frae my dear. CHORUS I ken the cause of my hard fate; In courtin' her I was too blate; I never kiss'd my lass at a' But when we met an' gaed awa'. CHORUS Oh could my tears again bring back The days now past, I'd no' be slack For ev'ry kiss she got before I wad gie to her now a score. CHORUS O fortune I wad you favour me In some snug corner her to see. My heart I wad to her reveal, An' in her arms my pardon seal. CHORUS
AI analysis available. Enable JavaScript to interact.
About this line
"Fareweel, ye bughts, an' all your ewes,..."
This evocative piece by James Thomson, titled "Fareweel, ye bughts", represents a masterful exploration of classic. The lines capture a profound emotional resonance... ### Why We Love This Line At Linespedia, we believe that poetry is the ultimate sanctuary for the soul...